Утă уйăхĕн 10-мĕшĕнче Тутарстанри Сиктĕрме ялĕнче пысăк Уяв иртрĕ. Хусанкай çĕрĕ Раççейĕн тĕрлĕ кĕтесĕнче пурăнакан чăвашсене пуçтарчĕ. Аслă поэтăмăр çуралнăранпа 115 çул çитнине халалланă ăна.
Уяв программи анлă: «Юрла чăвашла», «Ташла чăвашла», «Выля, хут купăс», «Уяв пики» конкурссемпе «Хусанкай урамĕ» литература фестивалĕ, вăйă лапамĕ, пултарулăх кĕтесĕсем. Наци çурчĕсем чăваш халăхĕн йăли-йĕркипе паллаштарчĕç, аваллăхран тымар илсе ăруран ăрăва куçса пыракан культурăн анлă тĕнчине уçса пачĕç. Фольклор ушкăнĕсемпе эстрада çăлтăрĕсем илемлĕ юрă-ташăпа савăнтарчĕç.
Вăрман Енĕш клубĕ çумĕнчи пултарулăх ушкăнĕ те пулчĕ çак чаплă Уявра. «Юрла чăвашла» конкурса хутшăнса 2-мĕш вырăн йышăнчĕç «Енĕшсем». Малашне те ӳсĕмсем сунатпăр вĕсене.
Ямашевское сельское поселение Канашского района